ირანში, ბოლო 24 საათში, კორონავირუსის 2 621 ახალი შემთხვევა დადასტურდა და დაინფიცირებულთა საერთო რაოდენობა 284 034-მდე გაიზარდა, - შესაბამის მონაცემებს ქვეყნის ჯანდაცვის სამინისტროზე დაყრდნობით BBC-ი ავრცელებს.
ამავე მონაცემების თანახმად, ირანში, გასული დღე-ღამის განმავლობაში, ვირუსს კიდევ 221 ადამიანის სიცოცხლე ემსხვერპლა და დაღუპულთა რიცხვმა 15 074-ს მიაღწია.
ცნობისთვის, ირანში კორონავირუსის შემთხვევების მნიშვნელოვანი ზრდა აპრილის შუა რიცხვებიდან, ანუ მას შემდეგ ფიქსირდება, რაც ხელისუფლებამ კორონავირუსის გამო დაწესებული შეზღუდვების შემსუბუქება დაიწყო.