საფრანგეთის პრეზიდენტი ხმელთაშუა ზღვაში საბერძნეთისა და კვიპროსის ტერიტორიული წყლების ხელყოფის გამო თურქეთისთვის სანქციების დაწესებას ითხოვს

საფრანგეთის პრეზიდენტმა ემანუელ მაკრონმა კვიპროსის პრეზიდენტ ნიკოს ანასტასიადესს პარიზში, ელისეს სასახლეში უმასპინძლა. მათ საკუთარ განცხადებებში აღმოსავლეთ ხმელთაშუა ზღვაში თურქეთის მოქმედებები გააკრიტიკეს, რომელიც ბუნებრივი რესურსების მოძიების მიზნით კვლევით და ბურღვით სამუშაოებს აწარმოებს.

საფრანგეთის პრეზიდენტმა საბერძნეთისა და კვიპროსის ტერიტორიული წყლების ხელყოფისთვის თურქეთის წინააღმდეგ ევროკავშირისგან სანქციების დაწესება მოითხოვა.

„ხმელთაშუა ზღვასთან დაკავშირებით, რომელიც სასიცოცხლოდ მნიშვნელოვანია ჩვენი ქვეყნებისთვის, ენერგეტიკისა და უსაფრთხოების საკითხები არსებითია. სასწორზე დევს ძალაუფლებისთვის ბრძოლა, განსაკუთრებით თურქეთისა და რუსეთისგან, რომლებიც სულ უფრო მეტ პრეტენზიას აცხადებენ და რის წინაშეც ევროკავშირი ჯერ კიდევ ძალიან ცოტას აკეთებს. სერიოზული შეცდომა იქნება, თუკი ხმელთაშუა ზღვაში ჩვენი უსაფრთხოება ამ მოთამაშეების ხელში აღმოჩნდება“, - განაცხადა მაკრონმა.

აქვე, მან საბერძნეთსა და კვიპროსს სრული მხარდაჭერა გამოუცხადა თურქეთის მხრიდან „მათი სუვერენიტეტის ხელყოფის“ საკითხში. ემანუელ მაკრონის განცხადებით, ევროკავშირის მხრიდან დიდი შეცდომა იქნება, არ უპასუხოს აღმოსავლეთ ხმელთაშუა ზღვაში პროვოკაციებს.

„მიუღებელია, რომ ჩვენი კავშირის წევრი ქვეყნების საზღვაო სივრცე დაარღვიონ ან მათ დაემუქრონ. მათ, ვინც ამაზეა პასუხისმგებელი, სანქციები უნდა დაუწესდეს. ევროპამ მტკიცედ უნდა დაიცვას საკუთარი სუვერენიტეტი“,- აღნიშნა საფრანგეთის ლიდერმა.

შეგახსენებთ, თურქეთის საგარეო საქმეთა მინისტრმა მევლუთ ჩავუშოღლუმ რამდენიმე დღის წინ განაცხადა, რომ თურქეთი ბუნებრივი რესურსების მოსაძიებლად სადაო წყლებში სეისმურ სამძებრო და ბურღვით სამუშაოებს დაიწყებდა. თურქეთის ეს მოქმედებები საბერძნეთისა და კვიპროსის შეშფოთებას იწვევს, მათ ამ განხეთქილებაში მხარს უჭერს ევროკავშირი.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი