მაიკ პომპეო - თუ თავისუფალი სამყარო არ შეცვლის ჩინეთს, კომუნისტური ჩინეთი ნამდვილად შეგვცვლის ჩვენ

აშშ-ის სახელმწიფო მდივანი მაიკ პომპეო აცხადებს, რომ ვაშინგტონმა და მისმა მოკავშირეებმა ჩინეთის კომუნისტურ პარტიაზე ზეწოლის მოსახდენად და მისი მოქმედებების შესაცვლელად უფრო „მტკიცე და კრეატიული“ ნაბიჯები უნდა გადადგან, ვინაიდან ამის გაკეთება „ჩვენი დროის მისიაა.“

პომპეომ რიჩარდ ნიქსონის სახელობის საპრეზიდენტო ბიბლიოთეკაში სიტყვით გამოსვლისას აღნიშნა, რომ აშშ-ის ყოფილი ლიდერის წუხილი იმის გამო, რომ მან ჩინეთის კომუნისტურ პარტიას მსოფლიოსკენ გზა გაუხსნა, წინასწარმეტყველური იყო.

”პრეზიდენტმა ნიქსონმა ერთხელ თქვა, რომ შიშობდა, ჩინეთის კომუნისტური პარტიისთვის მსოფლიოს გახსნით, მან „ფრანკენშტეინი“ შექმნა და აი, სწორედ აქ ვართ,“- განაცხადა მაიკ პომპეომ.

მისივე თქმით, თუკი თავისუფალი სამყარო კომუნისტურ ჩინეთს არ შეცვლის, მაშინ კომუნისტური ჩინეთი შეცვლის მას.

”მსოფლიოს თავისუფლების მოყვარულმა ერებმა ჩინეთს შეცლა უფრო კრეატიული და მტკიცე ნაბიჯებით უნდა აიძულონ, რადგან პეკინის ქმედებები საფრთხეს უქმნის ჩვენს ხალხს და ჩვენს კეთილდღეობას. შესაძლოა, დროა, თანამოაზრე ერების ახალი დაჯგუფება, დემოკრატიების ახალი ალიანსი შეიქმნას. თუ თავისუფალი სამყარო არ შეცვლის ჩინეთს, კომუნისტური ჩინეთი ნამდვილად შეგვცვლის ჩვენ,”- განაცხადა მაიკ პომპეომ.

მისივე თქმით, „კომუნისტური პარტიისგან ჩვენი თავისუფლების უზრუნველყოფა ჩვენი დროის მისიაა.“

სიტყვით გამოსვლისას მაიკ პომპეომ აშშ-ის ქალაქ ჰიუსტონში მდებარე ჩინეთის საკონსულოს დახურვის შესახებ გადაწყვეტილებაზეც ისაუბრა და აღნიშნა, რომ ის „ჯაშუშობისა და ინტელექტუალური საკუთრების ქურდობის ჰაბია.“

იხილეთ ვიდეო:მაიკ პომპეო - თუ თავისუფალი სამყარო არ შეცვლის ჩინეთს, კომუნისტური ჩინეთი ნამდვილად შეგვცვლის ჩვენ

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა