ჩინეთმა აშშ-ს ჩენდუში მდებარე საკონსულოს დახურვა მოსთხოვა, - ამის შესახებ ინფორმაციას „როიტერსი“ ავრცელებს.
„ჩინეთის საგარეო საქმეთა სამინისტრომ ჩინეთში აშშ-ის საელჩოს გააცნო გადაწყვეტილება, ჩენდუში აშშ-ის საკონსულოს დახურვის მოთხოვნის შესახებ,“- აღნიშნულია ჩინეთის საგარეო უწყების მიერ გავრცელებულ განცხადებაში.
შეგახსენებთ, ორი დღის წინ ვაშინგტონმა პეკინს ჰიუსტონში მდებარე ჩინეთის საკონსულოს დახურვა მოსთხოვა და ამისთვის 72 საათი მისცა. აშშ-ის სახელმწიფო დეპარტამენტის განცხადებით, ამ გადაწყვეტილების მიღების მიზეზი „აშშ-ის ინტელექტუალური საკუთრების“ დაცვაა. ჩინეთის საგარეო საქმეთა სამინისტროს პრესსპიკერმა ვან ვენბინმა გუშინ განაცხადა, რომ აშშ-ის არაგონივრულ ნაბიჯებს ჩინეთმა შესაბამისი პასუხი აუცილებლად უნდა გასცეს.
იხილეთ ვიდეო:ჩინეთმა აშშ-ს ჩენდუში მდებარე საკონსულოს დახურვა მოსთხოვა