პარლამენტის თავმჯდომარის, არჩილ თალაკვაძის განცხადებით, შინაგან საქმეთა მინისტრის, ვახტანგ გომელაურის გადადგომის საკითხი „არც კი განიხილება“.

ამის შესახებ თალაკვაძემ ჟურნალისტებს განუცხადა.

„ვახტანგ გომელაური არის პროფესიონალი მინისტრი და ვფიქრობ, როდესაც ყველაზე მეტად არის საჭირო შინაგან საქმეთა სამინისტროს მხრიდან ეფექტური საქმიანობა, როცა ქვეყანას ყველაზე მეტად სჭირდება უსაფრთხოება და ახლოვდება არჩევნები, მისი გადადგომის მოთხოვნები აბსოლუტურად დესტრუქციულია. მე ვფიქრობ, ეს საკითხი აბსოლუტურად საფუძველს მოკლებულია, არც კი განიხილება. რაც განიხილება, ეს არის მასთან ერთად ჩვენმა გუნდმა გააგრძელოს შსს-ს რეფორმები, გავაგრძელოთ შსს-სთვის კიდევ უფრო ეფექტური კანონმდებლობის შექმნა და ჩვენს მოქალაქეებს შევუქმნათ კიდევ უფრო უსაფრთხო გარემო,“ - განაცხადა გომელაურმა.

ცნობისთვის, სამოქალაქო საზოგადოება და ოპოზიციის ნაწილი შს მინისტრის ვახტანგ გომელაურის გადადგომას ითხოვს.