კელი დეგნანი თავდაცვის ავტორიზაციის კანონპროექტზე - სრულად უნდა წავიკითხოთ ეს დოკუმენტი, იქ ბევრი პოზიტიური დახასიათება და კომენტარია საქართველოს მიმართ

ამერიკის შეერთებული შტატების ელჩის, კელი დეგნანის განცხადებით, აშშ-ს თავდაცვის ავტორიზაციის კანონპროექტში საქართველო პოზიტიურადაა დახასიათებული.

კითხვაზე, როგორ შეაფასებს, რომ აღნიშნულ კანონპროექტში არ არის გათვალისწინებული სენატორი რიშის შესწორებები, დეგნანმა განაცხადა, რომ მნიშვნელოვანია ყურადღება მიექცეს როგორც რიშის, ასევე ნებისმიერი სხვა წარმომადგენლის კომენტარს.

„სრულად უნდა წავიკითხოთ ეს კანონპროექტი. იქ არის ძალიან ბევრი პოზიტიური დახასიათება და კომენტარი საქართველოს მიმართ, იმასთან დაკავშირებით, თუ რას მიაღწია ქვეყანამ, კიდევ რა მოლოდინია და რა უნდა გააკეთოს მომავალში უსაფრთხოებისა და თავდაცვის გასაძლიერებლად. მნიშვნელოვანია, რომ ყურადღება მივაქციოთ და მნიშვნელოვნად აღვიქვათ ის კომენტარი და ის მესიჯი რაც მოდის სენატორი რიშისგან და ნებისმიერი სხვა წარმომადგენლისგან, იმიტომ, რომ ეს გახლავთ ის ხალხი, ვინც ზრუნავს საქართველოზე, ვინც კარგად იცნობს ამ ქვეყანას და სურვილი აქვს მისი განვითარების და წარმატების ხილვის”, - განაცხადა დეგნანმა.

აშშ–ს სენატმა 2021 ფისკალური წლის აშშ-ს თავდაცვის ავტორიზაციის კანონპროექტი დაამტკიცა. დოკუმენტი შეიცავს საქართველოს ტერიტორიული მთლიანობის, ევროატლანტიკური ინტეგრაციის, ქვეყნის თავდაცვისუნარიანობის განმტკიცების მიმართულებით ძლიერ მხარდამჭერ გზავნილებს. იგი ეხმიანება შავი ზღვის უსაფრთხოების საკითხებს, გამოყოფს საქართველოს განსაკუთრებულ როლს რეგიონში და ასევე აშშ-ს შემდგომი ძალისხმევის აუცილებლობას დაეხმაროს პარტნიორებს როგორც უსაფრთხოების განმტკიცების, ასევე არსებული საფრთხეების დასაძლევად მდგრადობის გაძლიერების კუთხით.

იხილეთ ვიდეო:აშშ-ის ელჩის განცხადებით, თავდაცვის ავტორიზაციის კანონპროექტში ბევრი პოზიტიური დახასიათება და კომენტარია საქართველოს მიმართ

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა