მიხეილ ხიდურელი - მსოფლიო ბანკთან და IFC-სთან მომზადებული სტრატეგია მიზნად კონკრეტული დარგების პოპულარიზაციას ისახავს

გვქონდა შესაძლებლობა, ქართველ ექსპერტებთან ერთად განგვეხილა ჩვენი განახლებული ინვესტიციების მოზიდვის სტრატეგია, სადაც, რა თქმა უნდა, იკვეთება კონკრეტული სექტორები, - ამის შესახებ სააგენტო „აწარმოე საქართველოში“ ხელმძღვანელმა მიხეილ ხიდურელმა, მთავრობის ადმინისტრაციაში გამართული შეხვედრის შემდეგ განაცხადა, სადაც ეკონომიკის ექსპერტებთან ერთად, განახლებული ინვესტიციების მოზიდვის სტრატეგიაზე იმსჯელეს.

როგორც „ინტერპრესნიუსს“ საქართველოს მთავრობის ადმინისტრაციიდან აცნობეს, შეხვედრაზე ის სექტორები განიხილეს, რასაც საქართველოში ინვესტიციის კუთხით მეტი უპირატესობა აქვს.

„ჩვენ მსოფლიო ბანკთან და IFC-სთან ერთად გავაკეთეთ ძალიან საინტერესო სტრატეგია, რომელიც მიზნად ისახავს კონკრეტული დარგების პოპულარიზაციას, 400-ზე მეტ კომპანიასთან კომუნიკაციაზე გასვლას, აქედან ჩვენ უმეტესობასთან გავაგზავნეთ უკვე წერილები და აქტიურ რეჟიმში გვაქვს კომუნიკაცია. განვიხილეთ ის სექტორები, რასაც მეტი უპირატესობა აქვს საქართველოში ინვესტიციის კუთხით და ასევე განვიხილეთ ინვესტორების დახმარების სქემები, რომლებიც ჩვენ შესაძლოა უახლოეს მომავალში წარვადგინოთ“, - განაცხადა მიხეილ ხიდურელმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია