ადვოკატის განცხადებით, შაქარაშვილის საქმეზე არასრულწოვნების მიმართ გამოძიება დასრულდა, რაც ნიშნავს, რომ მათთვის ბრალის დამძიმება ვერ მოხდება

გიორგი შაქარაშვილის გარდაცვალების საქმეზე ერთ-ერთი არასრულწლოვანი ბრალდებულის ადვოკატის, ზაქრო გვიშიანის განცხადებით, აღნიშნულ საქმეზე არასრულწოვნების მიმართ გამოძიება დასრულდა და საქმე დღეს მცხეთის რაიონულ სასამართლოში სრულად გადაიგზავნება.

ადვოკატის ინფორმაციით, საქმის წინასასამართლო სხდომა 31 ივლისს არის ჩანიშნული.

„დღევანდელ დღეს დასრულდა გამოძიება, მხარეებმა გავცვალეთ მასალები, დღევანდელ დღეს გადაიგზავნება საქმე სრულად მცხეთის რაიონულ სასამართლოში და 31 ივლისს ჩაინიშნება წინასასამართლო სხდომა, სადაც განიხილება საკითხები მტკიცებულების დასაშვებობის, სადავობის და ასევე შუამდგომლობა აღკვეთის ღონისძიების შეცვლის თაობაზე,“ - განაცხადა ზაქრო გვიშიანმა.

მისივე განცხადებით, რადგან გამოძიება დასრულებულია, ამ საქმის ფარგლებში ბრალის დამძიმება ვერ მოხდება და შესაძლოა, შეიცვალოს მხოლოდ საქმის კვალიფიკაცია.

„ჩემი მხრიდან გადავეცი მტკიცებულებები, რომლებიც უკავშირდება იმ მოწმეთა ჩვენებებს, რომლებმაც ჩამოიყვანეს თბილისში ჩემი დაცვის ქვეშ მყოფი და მეორე არასრულწლოვანი ავტოსტოპით. ჩემი დაცვის ქვეშ მყოფი აცხადებს, რომ ის კონფლიქტს ბოლო ნაწილში შეესწრო, რა დროსაც მიიღო დაზიანებები. მან სიბნელის გამო ვერ გაარჩია თუ ვინ მიაყენა დაზიანება. რადგანაც დღეს დასრულდა გამოძიება, ვერ მოხდება ბრალის დამძიმება ამ საქმის ფარგლებში. შესაძლოა, კვალიფიკაცია შეიცვალოს, მაგრამ ბრალის დამძიმება არ ხდება,“ - აღნიშნა ზაქრო გვიშიანმა.

ცნობისთცის, ლ.შ.-ს ბრალი 225-ე მუხლით აქვს წარდგენილი, რაც ჯგუფური ძალადობის ორგანიზებას ან მასში მონაწილეობას გულისხმობს. გიორგი შაქარაშვილის საქმეზე დაკავებულია 17 პირი. არც ერთი მათგანი ბრალს არ აღიარებს. დაკავებულთა შორის რამდენიმე არასრულწლოვანია.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა