გიგლა მიქაუტაძე - სავალუტო ფონდმა დაადასტურა სახელმწიფო საწარმოებში არსებული კატასტროფული მდგომარეობა

სავალუტო ფონდმა დაადასტურა სახელმწიფო საწარმოებში არსებული კატასტროფული მდგომარეობა, - ამის შესახებ განცხადება „ლელო საქართველოსთვის“ ლიდერმა გიგლა მიქაუტაძემ გააკეთა.

„ლელო საქართველოს“ ინფორმაციით, გიგლა მიქაუტაძემ აღნიშნა, რომ სავალუტო ფონდი ასევე ადასტურებს იმასაც, რომ სახელმწიფო საწარმოები საქმიანობენ არა მოგების მიღების მიზნით, არამედ ასრულებენ მთავრობის დავალებებს.

"გამოქვეყნდა საერთაშორისო სავალუტო ფონდის ანგარიში სახელმწიფო საწარმოების შესახებ, რომელმაც, ფაქტობრივად, დაადასტურა ის, რომ სახელმწიფოს მიერ მართული კომპანიები წარმოადგენს ეკონომიკის შავ ხვრელს და კორუფციის ბუდეს. დოკუმენტში ხაზგასმულია, რომ ბოლო ორი წლის განმავლობაში, სახელმწიფოს კუთვნილი კომპანიების ფინანსური შედეგები გაუარესდა, რაც საფრთხეს წარმოადგენს ქვეყნის მაკროეკონომიკური სტაბილურობისთვის. სავალუტო ფონდი ადასტურებს იმასაც, რომ სახელმწიფო საწარმოები საქმიანობენ არა მოგების მიღების მიზნით, არამედ ასრულებენ მთავრობის დავალებებს. ჩვენ არაერთხელ გამოვააშკარავეთ ფაქტები სახელმწიფო საწარმოების შესახებ, როგორ მუშაობს უმეტესი მათგანი ზარალზე, როგორ უქმნიან ბარიერს კერძო კომპანიებს და როგორ ასაქმებენ ყოფილ ჩინოვნიკებს მაღალ ანაზღაურებად პოზიციებზე.

"ქართულ ოცნებას" ერთი ნაბიჯი არ გადაუდგამს მათი გაჯანსაღებისთვის. პირიქით, წარმატებით გადაიბარა ეს სისტემა წინა ხელისუფლებისგან ყველა თავისი მანკიერებით და კიდევ უფრო მძიმე ფინანსურ მდგომარეობაში ჩააყენა ეს კომპანიები. "ლელოს" მოდელის მიხედვით, სრულად მოხდება სახელმწიფო საწარმოების პრივატიზება და მათი კერძო მენეჯმენტისთვის გადაცემა, რითაც ერთხელ და სამუდამოდ მოგვარდება კორუფციისა და ნეპოტიზმის პრობლემა ამ კომპანიებში. საქართველოს რკინიგზა, ენერგოტრანსი, საქართველოს მელიორაცია და სხვა მნიშვნელოვანი კომპანიები უნდა ემსახურებოდეს ქვეყნის ეკონომიკის განვითარებას და არა ცალკეული ჩინოვნიკების გამდიდრებას", - განაცხადა მიქაუტაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია