მედია - მოსკოვში მცხოვრები აზერბაიჯანული და სომხური დიასპორის წევრები ერთმანეთს უპირისპირდებიან

რუსული მედია დედაქალაქ მოსკოვში რამდენიმე ლოკაციაზე, სომხური და აზერბაიჯანული დიასპორის წარმომადგენლებს შორის დაპირისპირების შესახებ იუწყება.

მათი ინფორმაციით, დღის განმავლობაში მათი დაჯგუფებები იმ მაღაზიებისა და რესტორნების ვიტრინებს ამსხვრევენ, რომელთა მეპატრონეების წარმომავლობაც მათთვის არის ცნობილი. ფიზიკური დაპირისპირება მოსკოვის სხვადასხვა რაიონებში მოხდა.

პოლიციამ საქმეები აღძრა ხულიგნობის ფაქტებზე. ამ დროისთვის დაკავებული 25 ადამიანი.

სააგენტო „ტასსი“ ანონიმურ წყაროზე დაყრდნობით წერს, რომ დიასპორების წარმომადგენლები ძარცვავენ კაფეებს, აზიანებენ ავტომანქანებს და სხვა პირად ქონებას.

მოსკოვის პოლიციის სამმართველოში განაცხადეს, რომ დაუყოვნებლივ აღკვეთენ ჯგუფური დანაშაულის ნებისმიერ გამოვლინებას და დამნაშავეებს კანონით გათვალისწინებული სასჯელი ემუქრებათ.

„გარდა ამისა, რუსეთის საიმიგრაციო კანონმდებლობით უცხოეთის მოქალაქეების მიმართ მიიღებენ ზომებს, რომელიც რუსეთის ტერიტორიაზე შესვლას 5 წლის ვადით კრძალავს“, - განაცხადეს პოლიციის სამმართველოს პრესსამსახურში.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 05.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს