ჩინეთში, ბოლო 24 საათში, კორონავირუსის 34 ახალი შემთხვევა დადასტურდა, - შესაბამის ინფორმაციას ჩინეთის ჯანდაცვის ეროვნული კომისია აქვეყნებს.

ამავე მონაცემების თანახმად, ახალი შემთხვევებიდან 20 სინძიანის, 9 კი ლიაონინის პროვინციაში გამოვლინდა, დანარჩენი 5 შემთხვევა კი - იმპორტირებულია.

გარდა ამისა, გასული დღე-ღამის განმავლობაში, ჩინეთში კოვიდ 19-ით ინფიცირების 74 უსიმპტომო შემთხვევა დადასტურდა.

ცნობისათვის, ბოლო მონაცემებით, ჩინეთში, საერთო ჯამში, კორონავირუსის 83 784 შემთხვევაა დადასტურებული, აქედან დაღუპულია 4 634 ადამიანი.