კორონავირუსით ინფიცირების 13 ახალი შემთხვევიდან 2 სამედიცინო პერსონალია

საქართველოში კორონავირუსი 2 სამედიცინო პერსონალს დაუდგინდა,- ამის შესახებ ინფექციური საავადმყოფოს სამედიცინო დირექტორმა, მარიან ეზუგბაიამ ჟურნალისტებთან განაცხადა.

მარინა ეზუგბაიას ინფორმაციით, 24 საათში გამოვლენილი 13 ახალი შემთხვევიდან ერთი პაციენტის ინფიცირების წყარო უცნობია.

„24 საათში საქართველოში კორონავირუსის 13 ახალი შემთხვევა დაგვემატა და არის 1117 შემთხვევა. გამოჯანმრთელებულების რიცხვი იყო 912, დაგვემატა 5 და გახდა 917. კოვიდ ცენტრებში მკურნალობს 222 ადამიანი. 13 პაციენტიდან 3-ის ინფიცირების წყარო არის ლილოს ბაზრობა, ერთის ინფიცირების წყაროა გაჩიანი, 5 არის იმპორტირებული, აქედან 4 არის სატვირთო ავტომანქანის მძღოლი. 1 არის დადასტურებულ შემთხვევასთან კონტაქტი. 2 არის სამედიცინო პერსონალი. 1 შემთხვევაზე კონტაქტების და წყაროს მოკვლევა გრძელდება“,- განაცხადა ეზუგბაიამ.

რაც შეეხება, ინფექციურ საავადმყოფოს, მარინა ეზუგბაიას ინფორმაციით, ინფექციურ საავადმყოფოში 39 კოვიდინფიცირებული მკურნალობს.

„ დაგვემატა 3 ახალი დადასტურებული შემთხვევა, გამოჯანმრთლდა 2. დღეის მონაცემებით 39 დადასტურებული შემთხვევა გახლავთ ჩვენ ცენტრში. 3 ახალი შემთხვევიდან 2 იმპორტირებულია, ერთი კონტაქტი დადასტურებულ შემთხვევასთან. კვლავ რჩება 2 მძიმე პაციენტი“,-განაცხადა ეზუგბაიამ.

ცნობისთვის, საქართველოში კორონავირუსის 13 ახალი შემთხვევა გამოვლინდა და ჯამში, ინფიცირებულთა რაოდენობა 1117-მდე გაიზარდა. რაც შეეხება გამოჯანმრთელებულებს, მათი რიცხვი 5-ით გაიზარდა და 917-ს შეადგენს.

უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 16 პაციენტი გარდაიცვალა. კარანტინის რეჟიმში 6 186 მოქალაქე იმყოფება.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს