გერმანიაში სპეციალური ჩარტერული რეისით 165 სტუდენტი გაემგზავრა
დღეს გერმანიაში 165 სტუდენტი სპეციალური ჩარტერული რეისით გაემგზავრა, რომლის ორგანიზებაც მთავრობის
დავალებით, ეკონომიკისა და საგარეო საქმეთა სამინისტროებმა ახალგაზრდობის სააგენტოს ორგანიზებით უზრუნველყვეს. სააგენტოს ხელმძღვანელმა რევაზ ჩარკვიანმა დღეს თბილისის სახელმწიფო აეროპორტში გერმანიაში მიმავალი სტუდენტები გააცილა.
„გერმანიაში წავიდნენ უმაღლესი და პროფესიული სასწავლებლის სტუდენტები საქართველოდან, რომელთაც გერმანიაში დროებითი დასაქმების კონტრაქტები აქვთ. მათი ნაწილი სტაჟირებასა და პრაქტიკას გერმანიის სამეცნიერო და სამრეწველო საწარმოებში გაივლის და სამშობლოში სწავლის დაწყებამდე დაბრუნდება. სოციალური ჩარტერული ფრენა ავიაკომპანია „მაივეი ეარლაინსმა“ შეასრულა“ -ნათქვამია სამინისტროს მიერ გავრცელებულ ინფორმაციაში.
