ლია მუხაშავრია - თუ თავად „ოცნება“ არ მოიცილებს გომელაურს, მოუწევს, იძულებით დაემშვიდობოს გახარიას

თუკი გომელაურის გადადგომის მოთხოვნაზე რეაგირება დაგვიანდება, გარწმუნებთ, ის გახარიას გადადგომის მოთხოვნაში გადაიზრდება, - ამის შესახებ უფლებადამცველმა, არასამთავრობო ორგანიზაციის „ადამიანის უფლებათა პრიორიტეტი“ აღმასრულებელმა დირექტორმა ლია მუხაშავრიამ „ინტერპრესნიუსთან“ ინტერვიუში განაცხადა.

მუხაშავრიას თქმით, თუ თავად „ქართული ოცნება“ არ მოიცილებს გომელაურს, მოუწევს, იძულებით დაემშვიდობოს გახარიას.

„თუ კარგად დავფიქრდებით, ამ რამდენიმე თვეში გომელაურისა და გახარიას სათავეში ყოფნისას, გარწმუნებთ, ბევრი, არანაკლები უბედურება შეიძლება მოხდეს, კიდევ რამდენიმე ახალგაზრდის სიცოცხლე შეწყვიტონ მოძალადეებმა, ამიტომ დაყოვნება და ლოდინი ძალიან სახიფათოა. ბოლოს და ბოლოს სამი ათეული წელია დამოუკიდებლობის შემდეგ რაღაცას კარგს ველოდებით და უფრო და უფრო უარესს კი ვიღებთ.

ვფიქრობ, დროის ლიმიტი ამოწურულია როგორც გომელაურისთვის, ისე გახარიასთვის და „ქართული ოცნებისთვის.“ თუ თავად „ქართული ოცნება“ არ მოიცილებს გომელაურს, მოუწევს, იძულებით დაემშვიდობოს გახარიას და მაშინ ყველა გეგმა, რაც გახარიას წყალობით არჩვენებში რაიმეს მიღწევას გულისხმობს, წყალში ეყრება. ამიტომ, ვფიქრობ, თავად „ოცნებამ“ უნდა იმოქმედოს და თან დაუყოვნებლივ“,- განაცხადა მუხაშავრიამ.

იხილეთ სრულად

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს