კრემლი რუსულ სატელიტთან დაკავშირებით აცხადებს, რომ აშშ-მ და დიდმა ბრიტანეთმა „სიმართლე დაამახინჯეს". აშშ-სა და დიდი ბრიტანეთის მტკიცებით, რუსეთმა ანტისატელიტური იარაღი კოსმოსში გამოცადა. რუსეთის თავდაცვის სამინისტროს განცხადებით, ტესტი, რომელიც 15 ივლისს განხორციელდა, სხვა კოსმოსური ხომალდებისთვის საფრთხის შემცველი არ ყოფილა და არც საერთაშორისო კანონმდებლობა დაურღვევია.

აშშ-მ და დიდმა ბრიტანეთმა სატელიტური საქმიანობის შესახებ შეშფოთება გამოთქვეს. აშშ-ს სახელმწიფო დეპარტამენტმა ხაზი გაუსვა, რომ აკვირდებოდა რუსეთის იმ ქმედებას, რომელიც "შეიძლება, ანტისატელიტური შეიარაღება აღმოჩნდეს".