გერმანიაში, ერთ-ერთ ფერმაში კორონავირუსი 174 დასაქმებულს გამოუვლინდა
გერმანიაში, ბავარიის მხარეში მდებარე კიტრის ფერმაში კარანტინი დაწესდა მას შემდეგ, რაც მასში დასაქმებულ 174 ადამიანს კორონავირუსი გამოუვლინდა. ფერმის 480-ვე თანამშრომელს ტერიტორიის დატოვება აეკრძალა, მიუხედავად იმისა, დაუდასტურდათ თუ არა ვირუსი.
ადგილობრივი ხელისუფლება მაცხოვრებლებს სიმშვიდისკენ მოუწოდებს და ირწმუნება, რომ ვირუსი ფერმის მიღმა არ გავრცელებულა. დაინფიცირებულებს შორის ბევრი აღმოსავლეთ ევროპის ქვეყნებიდან ჩასული სეზონური მუშახელია.
გერმანიაში კვების მრეწველობის ობიექტებში ეპიდემიის გავრცელების შემთხვევები ხშირია, განსაკუთრებით კი ხორცის გადამამუშავებელ კომპანიებში.
