გერმანია „დიდ შვიდიანში“ რუსეთის დაბრუნების წინააღმდეგია

გერმანია მხარს არ უჭერს დონალდ ტრამპის შეთავაზებას, რომელიც „დიდ შვიდიანში“ რუსეთის დაბრუნებას ითვალისწინებს, - ამის შესახებ გერმანიის საგარეო საქმეთა მინისტრმა ჰეიკო მაასმა განაცხადა.

„რუსეთის გარიცხვის მიზეზი ყირიმის ანექსია და აღმოსავლეთ უკრაინაში განხორციელებული ინტერვენცია იყო, ვინაიდან ჯერ პრობლემა გადაწყვეტილი არაა, რუსეთის დაბრუნების შანსს ვერ ვხედავ,“ - აღნიშნა მაასმა გაზეთ Rheinische Post-სთან ინტერვიუში.

მისივე თქმით, რუსეთი „დიდი ოცეულის“ წევრია, რაც შეეხება „დიდ შვიდიანს“, იქ ახალი წევრები საჭირო არ არის.

“დიდი შვიდიანი“ და „დიდი ოცეული“ კეთილგონივრულად კოორდინირებული ფორმატებია. „დიდი ოცეული“ განვითარებული ეკონომიკების მქონე ქვეყნების კიდევ უფრო დიდი ნაკრებია, რომლის წევრი რუსეთიცაა. ჩვენ არ გვჭირდება „დიდი თერთმეტიანი“ ან „დიდი „თორმეტიანი“, - განაცხადა ჰეიკო მაასმა.

ამასთან, გერმანიის საგარეო უწყების ხელმძღვანელმა დასძინა, რომ რუსეთი „დიდი შვიდიანისთვის“ მნიშვნელოვან ქვეყნად რჩება.

„ვიცით, რომ სირიაში, ლიბიასა და უკრაინაში კონფლიქტის მოსაგვარებლად რუსეთი გვჭირდება,“ - აღნიშნა გერმანიის საგარეო საქმეთა მინისტრმა.

ცნობისათვის, რუსეთი „დიდი შვიდიანიდან“ 2014 წელს, ყირიმის ანექსიის გამო გაირიცხა. ივნისის დასაწყისში დონალდ ტრამპმა განაცხადა, რომ „დიდი შვიდიანის“ გაფართოებას და რუსეთის ჯგუფში დაბრუნებას უჭერდა მხარს.

იხილეთ ვიდეო: გერმანია "დიდ შვიდიანში" რუსეთის დაბრუნების წინააღმდეგია

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს