მარტივად რომ ვთქვათ, „კოვიდ-19“ ყველაზე სასტიკი გლობალური ჯანდაცვის საგანგებო მდგომარეობაა, რაც ჯანდაცვის მსოფლიო ორგანიზაციას ოდესმე გამოუცხადებია, - ამის შესახებ ჯანმო-ს გენერალურმა დირექტორმა ტედროს ადჰანომ გებრეიესუსმა განაცხადა.
მისივე თქმით, პანდემია დაჩქარებული ტემპით ზრდას განაგრძობს.
„პანდემია დაჩქარებული ტემპით ზრდას განაგრძობს. ბოლო 6 კვირის განმავლობაში კორონავირუსით ინფიცირების შემთხვევების საერთო რაოდენობა გაორმაგდა,“- აღნიშნა ტედროს ადჰანომ გებრეიესუსმა.
ჯანმო-ს ხელმძღვანელის ინფორმაციით, მსოფლიოში კორონავირუსის 16 მილიონამდე შემთხვევაა დადასტურებული და დაღუპულია 640 000 ადამიანი.