გიგი უგულავა - ჩვენ არ გვინდა "ნაცმოძრაობას" კარი დავუხუროთ, თუ ისინი შეიცვლიან პოზიციას, შემოგვიერთდნენ

„ევროპული საქართველოს“ ერთ-ერთი ლიდერი გიგი უგულავა „ნაციონალურ მოძრაობას“ მოუწოდებს, თუ ისინი პოზიციას შეიცვლიან, რეგიონებში მაჟორიტარობის ერთიანი კანდიდატებზე შეჯერდნენ.

„არსებობს ასეთი ფორმულა, "თბილისში თანხმობა და რეგიონებში კონკურენცია". ჩვენ მიგვაჩნია, რომ თუ „ერთიანმა ნაციონალურმა მოძრაობამ" ეს გადაწყვეტილება მიიღო და რეგიონებში კონკურენცია იქნება, სწორი გადაწყვეტილება იქნება, რომ ჩვენ, ოპოზიციურმა პარტიებმა ასევე სწრაფად დავასრულოთ ეს კონსულტაცია და საზოგადოებას შევთავაზოთ ერთიანი, მთავარი მაჟორიტარი, რომელიც ბუნებრივია, კონკურენციაში იქნება მათ შორის ჩვენს კოლეგებთან. ხაზს ვუსვამ, რომ ეს მათი გადაწყვეტილებაა და ჩვენ ამ გადაწყვეტილებას ვიღებთ, როგორც მოცემულობას, ეს მათი უფლებაა. ამასთანავე, ხაზი მინდა გავუსვა იმ გარემოებას, რომ თბილისის შეთანხმება არის უმნიშვნელოვანესი, განსაკუთრებით ასეთ პირობებში,ჩვენ ეს ვნახეთ კვლევებიდანაც და ამას ვხედავთ ყოველდღიურ საქმიანობაში. ეს უნდა დარჩეს საფუძველი საერთო ოპოზიციური თანხმობისა და კოორდინაციის“, - განაცხადა უგულავამ.

მისივე თქმით, საჭიროა უახლოეს დღეებში წარადგინონ გამსხვილებული მაჟორიტარობის კანდიდატები.

„ამავდროულად, ჩვენ არ გვინდა კარი დავუხუროთ "ერთიან ნაციონალურ მოძრაობას" და თუ ისინი შეიცვლიან თავიანთ პოზიციას, უახლოესი 2-3 დღის განმავლობაში, ყველას გვესმის, რომ დრო ძალიან ცოტაა, ყველანი ვალდებული ვართ, შევასრულოთ ჩვენი ამომრჩევლის უპირობო მოთხოვნა, რომ შეჯერდეს მაქსიმალურად ყველგან ოპოზიცია. ამიტომ, მივმართავ ჩვენს კოლეგებსაც, თუ ისინი პოზიციას შეცვლიან, უახლოესი პერიოდის განმავლობაში შემოგვიერთდნენ და სწრაფად დავასრულოთ ეს პროცესი. თუ ეს მათი სურვილი არ იქნება, ყველა სხვა პარტიები, რომლებიც ერთიან ფორმატში ვთანამშრომლობთ, შევჯერდეთ და ასევე, უახლოეს დღეებში წარვადგინოთ გამსხვილებული მაჟორიტარები იმისთვის, რომ იყოს კონკურენცია. იმისთვის, რომ ამომრჩეველს ჰქონდეს არჩევანის მრავალფეროვნება. ეს პრინციპულად მნიშვნელოვანია", - განაცხადა უგულავამ.

იხილეთ ვიდეო

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა