ერაყის დედაქალაქ ბაღდადში განახლებული ანტისამთავრობო მსვლელობის დროს ორი დემონსტრანტი დაიღუპა, - ამის შესახებ ინფორმაციას „ალ-ჯაზირა“ ავრცელებს.
გამოცემის ცნობით, ტაჰრირის მოედანზე, სამოქალაქო ტანსაცმელში გადაცმულმა სამართალდამცავებმა დემონსტრანტებს ცეცხლი გაუხსნეს, რის შედეგადაც ათობით ადამიანი დაიჭრა.
ცნობისათვის, ერაყში ანტისამთავრობო დემონსტრაციები შარშან ოქტომბერში დაიწყო და ბოლო თვეების განმავლობაში კორონავირუსის პანდემიის გამო შეწყდა. რამდენიმე დღეა ქვეყანაში საპროტესტო ტალღა განახლდა. აქციის მონაწილეები კორუფციას, უმუშევრობის დონესა და საჯარო მომსახურების არასათანადო დონეს აპროტესტებენ.