აშშ-ის პრეზიდენტის დონალდ ტრამპის მრჩეველს ეროვნული უსაფრთხოების საკითხებში რობერტ ობრაიენს კორონავირუსი დაუდასტურდა. ამის შესახებ ინფორმაციას CNN-ი სანდო წყაროზე დაყრდნობით ავრცელებს.

ტელეკომპანიის ცნობით, რობერტ ობრაიენი ახლახანს დაბრუნდა ევროპიდან, სადაც მან და მისმა მოადგილემ შეხვედრები გამართეს დიდი ბრიტანეთის, საფრანგეთის, გერმანიისა და იტალიის ოფიციალურ პირებთან.

აღნიშნულ ფაქტთან დაკავშირებით თეთრ სახლში ჯერჯერობით კომენტარი არ გაუკეთებიათ.