დავით უსუფაშვილი - არ მგონია, რომ ხალხს პოლიტიკოსები და ჟურნალისტები მეტად უყვარს, ვიდრე ბანკირები

არ მგონია, რომ ქართველ ხალხს პოლიტიკოსები მეტად უყვარს, ვიდრე ბანკირები, მე არ მგონია, რომ ქართველ ხალხს ჟურნალისტები მეტად უყვარს, ვიდრე ბანკირები და ა.შ. ზოგადად, ქართველი ხალხი არის გაწამებული, შეწუხებული იმ ცხოვრების პირობებით, რაც ამ ქვეყანაში ათწლეულების განმავლობაშია,- ამის შესახებ „პალიტრანიუსის“ გადაცემაში "დღის ნიუსრუმი" პარტია "ლელო საქართველოსთვის" ერთ-ერთმა ლიდერმა დავით უსუფაშვილმა განაცხადა.

როგორც უსუფაშვილმა აღნიშნა, მოსახლეობაში არანაირად არ არის მეტი უკმაყოფილება ბანკირებთან, ვიდრე პოლიტიკოსებთან.

„სწორედ ამისგან უნდა გამოვერკვეთ ჩვენ ყველანი. ამომრჩეველი გაწამებულია ცუდი ხელისუფლებებით იმიტომ, რომ ვერ ახერხებს იმ ფულის ისე დახარჯვას, რისთვისაც აიღო. ამომრჩეველი არის უმუშავერი და ამიტომ ვერ ახერხებს სესხის გადახდას. ამიტომ ხელისუფლებაა შესაცვლელი, რომ ფინანსური პრობლემების გამო ბანკებთან არ გვქონდეს პრეტენზია. მოსახლეობაში არანაირად მეტი უკმაყოფილება არ არის, ვიდრე პოლიტიკოსებთან. ჩვენ გვჭირდება კარგი ბანკირები, კარგი პოლიტიკოსები, კარგი ჟურნალისტები კონკრეტული საქმეებით და არა ზოგადად, რომ ბიზნესმენები ცუდები არიან“, - განაცხადა უსუფაშვილმა და დასძინა: „მიშა და ბიძინა არ არის პრობლემა, პრობლემა მოსახლეობის ნიჰილიზმშია“.

უსუფაშვილმა გადაცემაში პოლიტიკური გაერთიანების „ლელო საქართველოსთვის“ რეიტინგებზეც ისაუბრა და აღნიშნა, რომ „ედისონ რისერჩის“ კვლევაში მოცემული ციფრებს მიღმა ობიექტურ და სუბიექტურ რეალობას, ასევე კვლევებთან დაკავშირებულ ცდომილებებსაც ხედავს.

„ჩვენ საკმარისი გამოცდილება გვაქვს, რომ კვლევებთან დაკავშირებულ საკითხებზე რაციონალურნი ვიყოთ და ამ ციფრებს მიღმა დავინახოთ ობიექტური რეალობა, სუბიექტურიც, კვლევებთან დაკავშირებული ცდომილებებიც და ა.შ. არცერთი კვლევა ბოლომდე რეალობას არ ასახავს. მე მგონია, რომ ჩვენ ვართ ახლოს დაგეგმილ მაჩვენებელთან, რაც საკმაოდ საინტერესოა. პიკი იქნება ოქტომბრის დასაწყისში“, - განაცხადა უსუფაშვილმა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან