აზერბაიჯანში, ბოლო 24 საათში, კორონავირუსის 396 ახალი შემთხვევა დადასტურდა და ინფიცირებულთა საერთო რაოდენობამ 30 446-ს მიაღწია. ამის შესახებ ინფორმაციას მინისტრთა კაბინეტთან არსებული ოპერატიული შტაბი ავრცელებს.

მათივე ინფორმაციით, კოვიდ -19-ს ქვეყანაში კიდევ 6 ადამიანის სიცოცხლე ემსხვერპლა და დაღუპულთა საერთო რიცხვმა 423-ს მიაღწია.

რაც შეეხება გამოჯანმრთელებულებს, აზერბაიჯანში ვირუსისგან 23 242 პაციენტი განიკურნა, აქედან 558 - ბოლო 24 საათში. ამჟამად მკურნალობას 6 781 პაციენტი გადის.