მიხეილ რამიშვილი - თამარ ბაჩალიაშვილის ავტომობილის დიაგნოსტიკა ადვოკატისა და სპეციალისტის დასწრების გარეშე არ გაბედონ

თამარ ბაჩალიაშვილის ოჯახის ადვოკატი მიხეილ რამიშვილი აცხადებს, რომ ადვოკატის და შესაბამისი სპეციალისტის თანდასწრების გარეშე გარდაცვლილი ქალის მანქანის დიაგნოსტიკა „არ გაბედონ“. ამის შესახებ მიხეილ რამიშვილმა „პალიტრანიუსის“ გადაცემაში „360 გრადუსი“ განაცხადა.

ადვოკატის თქმით, სწორედ ავტომობილის დიაგნოსტიკაზე არის დამოკიდებული მომავალი გადაწყვეტილებები.

„როგორც კი გამოძიება მაგას ჩემს გარეშე გაბედავს და გადადგამს მაგ ნაბიჯს ჩათვალეთ, მთელი პასუხისმგებლობა დაეკისრება სახელმწიფოს, ხელისუფლებას, დაეკისრება ყველას. პირადად მე, გამომძიებელს ვუთხარი და დავაფიქსირე, რომ არცერთი ექსპერტიზა, რომელიც ჩემთვის არის მნიშვნელოვანი უჩემოდ, ჩემი თანდასწრებით და არა მხოლოდ ჩემი თანდასწრებით, სპეციალისტის, ვერ გაბედავენ და არც გაბედონ, რომ ამდაგვარი ქმედება განახორციელონ. ზუსტად მაგ დიაგნოსტიკაზე მაქვს მისაღები ჩემი ძალიან ბევრი გადაწყვეტილება და ინფორმაცია. ასეთი რაღაც არც გაბედონ. კარგად იცის გამომძიებელმა გიამ და ახლა, საჯაროდ მივმართავ, არც იფიქრონ მაგაზე. კარგად გაიხსენონ ჩვენი შეხვედრა“, - განაცხადა მიხეილ რამიშვილმა.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. 23 წლის თამარ ბაჩალიაშვილი 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია