ჩინეთში კორონავირუსის 68 ახალი შემთხვევა დადასტურდა, საიდანაც 64 შიდა გადაცემის შედეგია, - ამის შესახებ ინფორმაციას CNN-ი ჩინეთის ჯანდაცვის ეროვნულ კომისიაზე დაყრდნობით ავრცელებს.
მათივე ინფორმაციით, უკვე მეორე დღეა, ქვეყანაში 6 მარტის შემდეგ კოვიდ 19-ის ყველაზე მაღალი დღიური მაჩვენებელი ფიქსირდება.
აღსანიშნავია, რომ 64 ახალი შემთხვევიდან 57 სინძიანის პროვინციაში დადასტურდა. პროვიინციის უდიდეს ქალაქ ურუმჩიში, სადაც ბოლო 5 თვის განმავლობაში კორონავირუსის არცერთი შემთხვევა დაფიქსირებულა, 15 ივლისიდან გავრცელების ახალი ტალღა დაიწყო.
ცნობისათვის, პანდემიის დაწყებიდან ჩინეთში კორონავირუსის 83 959 შემთხვევაა დადასტურებული, დაღუპულია 4 634 ადამიანი.