„ნამდვილად მჯერა, რომ ბევრმა გუბერნატორმა შტატები უნდა გახსნას", - ამის შესახებ აშშ-ს პრეზიდენტმა დონალდ ტრამპმა განაცხადა. CNN-ის ცნობით, ტრამპი შტატების გახსნისკენ მიმართულ აგიტაციას კვლავ უბრუნდება, მიუხედავად იმისა, რომ გასული კვირის განმავლობაში ჰქონდა მცდელობა ეჩვენებინა ამერიკელი ხალხისთვის, რომ ვირუსს სერიოზულად აღიქვამს. ამჯერად, ჩრდილოეთ კაროლინაში ვიზიტის დროს, ტრამპმა აღნიშნა, რომ სხვადასხვა შტატს მითითებების მკაცრმა დაცვამ ვითარების გამოსწორების საშუალება უნდა მისცეს.

აშშ-ს პრეზიდენტმა ქვეყანაში კორონავირუსის მიერ გამოწვეული რთული ვითარების მიუხედავად, შტატებს ადრეული გახსნა რამდენიმე თვის წინაც ურჩია, რის გამოც კრიტიკა დაიმსახურა.

იხილეთ ვიდეო: დონალდ ტრამპი - ნამდვილად მჯერა, რომ ბევრმა გუბერნატორმა შტატი უნდა გახსნას