ორგანიზაციამ „დავიცვათ საქართველოს სისუფთავე“ და ეროვნულმა ბიბლიოთეკამ ახალ პროექტს, „ეკოთეკას“ ჩაუყარეს საფუძველი

ორგანიზაციამ „დავიცვათ საქართველოს სისუფთავე“ და ეროვნულმა ბიბლიოთეკამ ურთიერთთანამშრომლობის მემორანდუმის ფარგლებში ახალ პროექტს, „ეკოთეკას“ ჩაუყარეს საფუძველი.

ორგანიზაციის „დავიცვათ საქართველოს სისუფთავე“ ინფორმაციით, პროექტი ყველა იმ გარემოსდაცვით პროექტს და ინიციატივას მოუყრის თავს, რაც უახლოეს პერიოდში საქართველოში განხორციელებულა. პროექტის ავტორები ყველა კერძო კომპანიას, ორგანიზაციას და კერძო პირს ამ ინიციატივაში ჩართვას და ერთიანი ციფრული არქივის მრავალფეროვანი მასალით გამდიდრებას სთავაზობენ.

„რა არის ეკოთეკა? - ეს არის ეროვნული ბიბლიოთეკის ბაზაზე არსებული ციფრული პლატფორმა, რომელიც გააერთიანებს ვიზუალურ ინფორმაციას საქართველოში ჩატარებულ საინტერესო ეკოაქტივობების შესახებ, საზოგადოებას გააცნობს საინტერესო გარემოსდაცვით იდეებს და ადამიანებს, ვინც ამ ინიციატივებს უყრის საფუძველს.

რა მიზანი აქვს ეკოთეკას? - ერთ სივრცეში თავი მოუყაროს და ყველა მსურველისთვის ხელმისაწვდომი გახადოს ვიზუალური ინფორმაცია საქართველოში ჩატარებული ეკოაქტივობების და გარემოსდაცვითი პროექტების შესახებ.

ვის გააერთიანებს ეკოთეკა? - ყველა ორგანიზაციას, კერძო კომპანიას და პირს, ვისაც სხვადასხვა პერიოდში გარემოსდაცვით აქტივობები განუხორციელებია, აქვს შესაბამისი მასალა (ფოტოები, პლაკატები, პოსტერები და ა.შ.) რომელიც კარგად ასახავს გარემოსდაცვით აქტივობებს და ახლავს მცირე აღწერილობა ჩატარებული საქმიანობის შესახებ. ( პროექტი, წელი, ადგილი, მიზანი, მონაწილე ადამიანები და ა.შ.)

როგორ უნდა განათავსდეს მასალა ეკოთეკაში?

გარემოსდაცვითი პროქტის ინიციატორებმა უნდა მიაწოდონ მასალა შესაბამისი აღწერილობით ორგანიზაცია დავიცვათ საქართველოს სისუფთავეს საკომუნიკაციო ჯგუფს,info@kgt.ge რომლის ჩართულობითაც მასალა ეროვნული ბიბლიოთეკის ციფრულ პლატფორმაზე „ეკოთეკა“ ავტორის ეგიდით განთავსდება“, - აღნიშნულია გავრცელებულ ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა