ირანში, ბოლო 24 საათში, კორონავირუსით კიდევ 235 ადამიანი გარდაიცვალა და დაღუპულთა საერთო რაოდენობა 16 147-მდე გაიზარდა, - ამის შესახებ ინფორმაციას ადგილობრივი მედია ქვეყნის ჯანდაცვის სამინისტროზე დაყრდნობით ავრცელებს.
აღსანიშნავია, რომ გასული დღე-ღამის განმავლობაში დაფიქსირებული შემთხვევები რეკორდულად მაღალი დღიური მაჩვენებელია ქვეყნისთვის პანდემიის გავრცელების პერიოდიდან.
ირანის ჯანდაცვის სამინისტროს მონაცემებით, ქვეყანაში კორონავირუსის 2 434 ახალი შემთხვევა გამოვლინდა და დაინფიცირებულთა რიცხვმა 296 273-ს მიაღწია.
3 902 პაციენტი კრიტიკულ მდგომარეობაში იმყოფება და მკურნალობას რეანიმაციულ განყოფილებებში უტარებენ.