დიმიტრი ცქიტიშვილი - ქვეყნის განვითარებისთვის მნიშვნელოვანია როგორ ჩაივლის 2020 წლის არჩევნები

პარლამენტის დამოუკიდებელი დეპუტატის, დიმიტრი ცქიტიშვილის განცხადებით, დიპლომატიაში მუქარა და გაფრთხილებები არ არის, თუმცა, ის ფაქტი, რომ აშშ- ის სახელმწიფო დეპარტამენტი აქცენტს არჩევნების დემოკრატიულად ჩატარებაზე ამახვილებს, შესაძლოა, მიანიშნებდეს იმას, რომ წინასაარჩევნო გარემო მათთვის კითხვებს აჩენს.

როგორც დეპუტატმა ჟურნალისტებთან გიორგი გახარიასა და მაიკ პომპეოს საუბრის კომენტირებისას განაცხადა, შესაძლოა, მთავრობის ადმინისტრაციის აქცენტი სახელმწიფო დეპარტამენტის მიერ გამოქვეყნებულ ინფორმაციაში გაკეთებული აქცენტებისგან განსხვავდება, თუმცა, ეს იმას არ ნიშნავს, რომ ვინმეს რაიმეს დამალვის მცდელობა ჰქონდა, რადგან ასეთი შეფასებები არ იმალება.

„უბრალოდ, ალბათ, მთავრობის ადმინისტრაციის ყურადღება გამახვილდა იმ პოზიტიურ შეფასებებზე, რომელიც იქნა ნახსენები სავარაუდოდ საუბარში, თუმცა, ფაქტია, რომ ამერიკის სახელმწიფო დეპარტამენტი და მისი ხელმძღვანელი განსაკუთრებულ ყურადღებას ამახვილებს დაგეგმილ არჩევნებზე და სამართლიან გარემოში მის ჩატარებაზე, რაც იმაზე მიანიშნებს, რომ შესაძლოა, არსებული წინასაარჩევნო გარემო მათთვის კითხვის ნიშნებს აჩენს. ამას სჭირდება ძალიან ინტენსიური მუშაობა ხელისუფლების მხრიდან, რომ არჩევნები ერთი მხრივ, იყოს სამართლიანი, გამჭვირვალე და ამან მიიღოს ძალიან მაღალი საერთაშორისო ლეგიტიმაცია.

დიპლომატიაში გაფრთხილებები და მუქარები არ არის, უბრალოდ არის საკითხები, რაზეც პარტნიორები მიანიშნებენ. ქვეყნის განვითარებისთვის მნიშვნელოვანია როგორ ჩაივლის 2020 წლის არჩევნები, მითუმეტეს, ასეთი პოლიტიკური ტურბულენტური პერიოდის შემდეგ, ამიტომ ქვეყნაში რომ უფრო სტაბილური გახდეს გარემო, მნიშვნელოვანია არჩევნების შედეგები აღიაროს ყველამ - შიდა მოთამაშემაც და გარე დამკვირვებლებმაც. შიდაში შესაძლოა გაჩნდეს სპეკულაცია, მაგრამ საერთაშორისო დამკვირვებლები ძალიან ყურადღებით დააკვირდებიან, რომ ქვეყანაში დემოკრატიისკენ იქნას კიდევ ერთი ნაბიჯი გადადგმული და არც ერთ შემთხვევაში უკან არ წავიდეთ,"- განაცხადა ცქიტიშვილმა.

ცნობისათვის, აშშ-ის სახელმწიფო დეპარტამენტის მიერ გამოქვეყნებულ ინფორმაციაში აღნიშნულია, რომ გიორგი გახარიასთან საუბრისას მაიკ პომპეომ ხაზი გაუსვა საქართველოში თავისუფალი და სამართლიანი არჩევნების ჩატარების აუცილებლობას.

"ის მიესალმა კონსტიტუციური ცვლილებების მიღებას, რომელიც ნაწილობრივ პროპორციულ საარჩევნო სისტემას ითვალისწინებს და ხაზი გაუსვა ბოლო დროს მიღებული საარჩევნო რეფორმების ზედმიწევნით ზუსტად განხორციელების მნიშვნელობას. სახელმწიფო მდივანმა ასევე ხაზი გაუსვა საქართველოს სასამართლო სისტემის დამოუკიდებლობის გასაძლიერებლად ძალისხმევის გაგრძელების, როგორც უცხოური ინვესტიციების მოზიდვის აუცილებელი ნაბიჯის მნიშვნელობას,“- აღნიშნულია სახელმწიფო დეპარტამენტის ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს