„აზიის განვითარების ბანკმა“  წყალმომარაგების სისტემების დასაფინანსებლად გამოშვებულ მწვანე ობლიგაციებში 40 მილიონამდე აშშ დოლარის ინვესტიცია განახორციელა

„აზიის განვითარების ბანკმა“ (ADB) სს Georgia Global Utilities (GGU) მიერ გამოშვებულ, დაახლოებით $20 მილიონის ოდენობის მწვანე ობლიგაციებში ინვესტირების შესახებ განაცხადი გააკეთა. ამის შესახებ „ინტერპრესნიუსს“ „აზიის განვითარების ბანკიდან" აცნობეს .

მათივე ინფორმაციით, გაყიდვებიდან შემოსული თანხები თბილისისა და მიმდებარე მუნიციპალიტეტების წყალმომარაგებისა და წყალარინების სისტემების გაუმჯობესებას, ასევე, განახლებადი ენერგიისა და ამ სექტორში ოპერაციების რეფინანსირებას მოხმარდება. აზიის განვითარების ბანკი ასევე გაუწევს ადმინისტრირებას Leading Asia's Private Infrastructure Fund (LEAP) მიერ დამატებით დაახლოებით $20 მილიონის ინვესტიციას.

აღნიშნული თანხები GGU-ს მიერ გამოშვებული $250 მილიონის ოდენობის 5-წლიანი მწვანე ობლიგაციების ინვესტიციის ნაწილია. საქართველოს მიერ გამოშვებული პირველი მწვანე ობლიგაციები ირლანდიის გლობალური ფასიანი ქაღალდების ბირჟაზე განთავსდება. GGU ჰოლდინგს ორი ძირითადი ბიზნეს მიმართულება გააჩნია, განახლებადი ენერგია და წყალმომარაგებისა და წყალარინების სისტემები, უკანასკნელი კი მისი შვილობილი კომპანიის „ჯორჯიან უოთერ ენდ ფაუერი“ (Georgian Water and Power LLC) მიერ ხორციელდება, საქართველოში უმსხვილესი კერძო საკუთრებაში არსებული კომუნალური მომსახურების კომპანია, რომელიც დაახლოებით 1.4 მილიონ მომხმარებელს ემსახურება.

""აზიის განვითარების ბანკის“ ხელშეწყობა უზრუნველყოფს თბილისისა და შემოგარენის 24-საათიან წყალმომარაგებას და წყალმომარაგებისა და წყალარინების სისტემების გამართულ ფუნქციონირებას", - განაცხადა კერძო სექტორის ოპერაციების დეპარტამენტის სამხრეთ, ცენტრალური და დასავლეთ აზიის ინფრასტრუქტურის დაფინანსების განყოფილების დირექტორმა შანტანუ ჩაკრაბორტიმ.

"აზიის განვითარების ბანკის" ინვესტიცია პოტენციურ ინვესტორებს დაანახებს საქართველოს კერძო სექტორში სახარბიელო საინვესტიციო შესაძლებლობებს წყალმომარაგებისა და სუფთა ენერგიის ინიციატივების სახით.

ქართულენოვანი პრესრელიზი ვრცლად: https://www.adb.org/ka/news/adb-invest-40-million-ggu-green-bonds-upgrade-water-sanitation-georgia

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს