მიხეილ რამიშვილი სამხარაულის ექსპერტიზის ბიუროში იმყოფება, სადაც თამარ ბაჩალიაშვილის კომპიუტერის გახსნა იგეგმება
23 წლის თამარ ბაჩალიაშვილის ოჯახის ადვოკატი მიხეილ რამიშვილი სამხარაულის ექსპერტიზის ბიუროში იმყოფება.
როგორც რამიშვილი აცხადებს, ექსპერტიზის ბიუროში, გარდაცვლილის კუთვნილი კომპიუტერი მისი თანდასწრებით უნდა გაიხსნას.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
