ჰონგ-კონგის ლიდერი აცხადებს, რომ ქალაქის საავადმყოფოები, შესაძლოა, კოლაფსის საფრთხის წინაშე აღმოჩნდნენ

ჰონგ-კონგის ლიდერი კერი ლემი აცხადებს, რომ კორონავირუსის შემთხვევების ზრდის გამო ქალაქის საავადმყოფოები, შესაძლოა, კოლაფსის საფრთხის წინაშე აღმოჩნდნენ.

"ვირუსის ფართომასშტაბიანი გავრცელების ზღვარზე ვართ, რამაც, შესაძლოა, ჩვენი ჰოსპიტალური სისტემის კოლაფსი გამოიწვიოს და ეს ადამიანების, განსაკუთრებით ხანდაზმულების, სიცოცხლის ფასად დაგვიჯდეს,“- განაცხადა კერი ლემმა.

ჰონგ-კონგის ლიდერმა მოსახლეობას სახლში დარჩენისკენ მოუწოდა.

„მკაცრად დაიცავით სოციალური დისტანციის წესები და დარჩით სახლში,“- აღნიშნა კერი ლემმა.

აღსანიშნავია, რომ ჰონგ-კონგში კორონავირუსთან დაკავშირებით შეზღუდვები გამკაცრდა. კერძოდ, პირბადის ტარება ყველა საჯარო სივრცეში სავალდებულო გახდა, დაიხურა ბარები, სპორტული დარბაზები და სილამაზის სალონები, აიკრძალა რესტორნებში სადილობა და ორზე მეტი პირის შეკრება იმ შემთხვევაში, თუ ისინი სხვადასხვა ოჯახის წევრები არიან.

ცნობისათვის, ჰონგ-კონგში, სადაც დაახლოებით ერთი თვის წინ დღეში კორონავირუსის ათამდე შემთხვევა ფიქსირდებოდა, ბოლო დღეების განმავლობაში ინფიცირების დღიური რაოდენობა თითქმის გაათმაგდა. ბოლო მონაცემებით, ქალაქში, საერთო ჯამში, კორონავირუსის 2 885 შემთხვევაა დადასტურებული, 23 ადამიანი კი დაღუპულია.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია