თურქეთის პარლამენტის მიერ მიღებულ კანონს, რომელიც სოციალურ მედიას არეგულირებს, კრიტიკა მოჰყვა

თურქეთის პარლამენტმა კანონი მიიღო, რომელიც სოციალურ მედიას არეგულირებს და რომელიც, კრიტიკოსების თქმით, ხელს შეუწყობს ცენზურის ზრდას და დაეხმარება ხელისუფლებას, ჩაახშოს განსხვავებული აზროვნება. ამის შესახებ ინფორმაციას „როიტერსი“ ავრცელებს. მათი ცნობით, კანონპროექტს მხარი დაუჭირა პრეზიდენტ რეჯეფ თაიიპ ერდოღანის პარტიამ, რომელიც მოკავშირე ნაციონალისტურ პარტიასთან ერთად უმრავლესობას ფლობს.

ახალი კანონმდებლობის განხილვა სამშაბათს დაიწყო, მისი მიღება კი პარლამენტმა გამოაცხადა. კანონი მოითხოვს, უცხოურმა სოციალური მედიის საიტებმა თურქეთში მყოფი წარმომადგენლები დანიშნონ, რათა მათ ის საკითხები გადაწყვიტონ, რაც ხელისუფლების მიერ შინაარსთან დაკავშირებით გამოთქმულ უკმაყოფილებას ეხება. კანონში ასევე მითითებულია იმ მასალების წაშლის ვადები, რასაც ხელისუფლება ეწინააღმდეგება. წინააღმდეგ შემთხვევაში, ახალი რეგულაციებით შესაძლოა, კომპანიებს ჯარიმები დაეკისროთ, დაებლოკოთ რეკლამები, ან შეეზღუდოთ წვდომა თავიანთ საიტებზე.

როგორც "როიტერსი" იტყობინება, მას შემდეგ, რაც თურქეთის მთავარი მედიასაშუალებები ბოლო ათწლეულის განმავლობაში მთავრობის კონტროლის ქვეშ მოექცა, მოსახლეობა კრიტიკული ხმის გასაჟღერებლად სოციალურ მედიაზე, შედარებით მცირე ინტერნეტ საინფორმაციო სააგენტოებსა და დამოუკიდებელ გამოცემებზე გადავიდა. ქვეყნის პრეზიდენტს არაერთხელ გაუკრიტიკებია სოციალური მედია. მისი თქმით, ბოლო წლების განმავლობაში ონლაინ "ამორალური ქმედებების" ზრდა რეგულაციების ნაკლებობით იყო განპირობებული.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია