იაპონიაში, გასული დღე-ღამის განმავლობაში, კორონავირუსის 981 ახალი შემთხვევა გამოვლინდა, რაც პანდემიის დაწყების დროიდან რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას CNN-ი იაპონიის ჯანდაცვის სამინისტროზე დაყრდნობით ავრცელებს.
ამავე მონაცემების თანახმად, იაპონიაში, საერთო ჯამში, კორონავირუსის 32 613 შემთხვევაა დადასტურებული, აქედან 1 014 ადამიანი დაღუპულია.
აღსანიშნავია, რომ ქვეყნის ორ პრეფექტურაში - ოსაკასა და აიტიში - ბოლო 24 საათში კოვიდ 19-ით ინფიცირების რეკორდულად მაღალი დღიური მაჩვენებელი დაფიქსირდა. კერძოდ, ოსაკაში ინფიცირების 155, აიტიში კი - 110 ახალი შემთხვევა გამოვლინდა.