აშშ-ს პრეზიდენტობის კანდიდატი, დემოკრატი ჯო ბაიდენი აცხადებს, რომ ის თავის ვიცე-პრეზიდენტობის კანდიდატს აგვისტოს პირველი კვირის განმავლობაში დაასახელებს, ვიდრე საკუთარი პარტიის მიერ საპრეზიდენტო კანდიდატად ოფიციალურად იქნება წარდგენილი.

„როიტერსის“ ცნობით, ბაიდენის მიერ ვიცე-პრეზიდენტობის კანდიდატის შერჩევის მიმართ საკმაოდ დიდი ინტერესია, ნაწილობრივ იმის გამო, რომ გამარჯვების შემთხვევაში, 78 წლის კანდიდატი აშშ-ს ისტორიაში, ინაუგურაციის დღეს ყველაზე ასაკოვანი პრეზიდენტი იქნება. ბაიდენმა პირობა დადო, რომ საპრეზიდენტო არჩევნებში რესპუბლიკელი პრეზიდენტის, დონალდ ტრამპის წინააღმდეგ საბრძოლველად ვიცე-პრეზიდენტად ქალს შეარჩევს.