მარინა ეზუგბაიას განცხადებით, კორონავირუსის 10 ახალი შემთხვევიდან 5-ის წყარო გაჩიანია, 4 იმპორტირებულია, ერთის წყაროს დადგენა მიმდინარეობს

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 10 ახალი შემთხვევიდან ხუთის წყარო გაჩიანის დასახლებაა, 4 შემთხვევა არის იმპორტირებული, მათგან ორი სატვირთო ავტომობილის მძღოლია. მარინა ეზუგბაიას თქმით, ერთ შემთხვევასთან დაკავშირებით წყაროს დადგენა მიმდინარეობს.

„გუშინ ქვეყანაში იყო 1145 დადასტურებული შემთხვევა, დაგვემატა 10 ახალი დადასტურებული შემთხვევა და 1155 დადასტურებული შემთხვევაა ქვეყანაში. გამოჯანმრთელებული არის მხოლოდ ორი, 927 იყო და 929 გახლავთ. ამ მონაცემების გათვალისწინებით, დღეს კოვიდ ცენტრებში მკურნალობს 248 დადასტურებული კოვიდ ინფიცირებული.

10 პაციენტის განაწილება ასეთია: 5 შემთხვევის წყარო არის გაჩიანის დასახლება, 4 არის შემოტანილი შემთხვევა, აქედან 2 არის სატვირთო ავტომობილის მძღოლი, ერთ შემთხვევაზე მიმდინარეობს წყაროს დადგენა და კონტაქტების კვლევა.

ჩვენი ცენტრის მონაცემებით, დღეს კვლავ 41 პაციენტი გვყავს. დაგვემატა 3 ახალი პაციენტი, სამივე გახლავთ შემოტანილი შემთხვევა, აქედან ორი არის სატვირთო ავტომობილის მძღოლი. მხოლოდ ერთია საქართველოს მოქალაქე, დანარჩენი უცხოელები არიან. ჩვენი ცენტრის პაციენტების ჯამრთელობის მდგომარეობა სტაბილურია, ძირითადად, საშუალო სიმძიმისა და მათზე მსუბუქი პაციენტები მკურნალობენ“,-განაცხადა ეზუგბაიამ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს