რუსეთი აგვისტოს შუა რიცხვებისთვის კორონავირუსის საწინააღმდეგო ვაქცინის დამტკიცებისთვის ემზადება

რუსეთის ფედერაცია გეგმავს, მსოფლიოში პირველი ქვეყანა გახდეს, რომელიც კორონავირუსის ვაქცინას დაამტკიცებს. CNN-ის ექსკლუზიური ინფორმაციის თანახმად, ვაქცინის დამტკიცებას ქვეყანა 2 კვირაზე ნაკლებ დროში აპირებს, მიუხედავად მის უსაფრთხოებასა და ეფექტიანობაზე არსებული შეშფოთებისა.

როგორც რუსეთის თანამდებობის პირებმა CNN-თან განაცხადეს, ისინი მუშაობენ იმისთვის, რომ ვაქცინა 10 აგვისტოს ან უფრო ადრე დამტკიცდეს.

აღნიშნული ვაქცინა მოსკოვში მდებარე „გამალეია ინსტიტუტის" მიერ შეიქმნა და საზოგადოებრივი მოხმარებისთვის დამტკიცდება, თუმცა, ჯერ მას ჯანდაცვის სისტემაში დასაქმებულები მიიღებენ. რუსეთს სამეცნიერო მონაცემები ვაქცინის ტესტირების შესახებ არ გამოუქვეყნებია. კრიტიკოსების თქმით, ვაქცინის უახლოეს მომავალში დამტკიცების გეგმა კრემლიდან წამოსულ ზეწოლას უკავშირდება, რომ რუსეთი გლობალურ სამეცნიერო ძალად წარმოჩინდეს.

შეშფოთების საგანი დიდწილად იმასაც ეხება, რომ ვაქცინის ადამიანზე გამოცდა შესაძლოა, არასრულყოფილად იყოს ჩატარებული. მსოფლიოს გარშემო ათეულობით ვაქცინის ტესტირება მიმდინარეობს, თუმცა, მეცნიერების თანახმად, მათ დამტკიცებამდე ჯერ კიდევ ბევრი სამუშაოა ჩასატარებელი.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)