COVID-19-ის დიაგნოზით სტაციონარებიდან გაწერილ 800 პაციენტიდან 41.3%-ში ძირითადი დაავადების გართულება პნევმონია იყო

COVID-19–ის დიაგნოზით სტაციონარებიდან გაწერილ 800 პაციენტს შორის 41.3%-ში ძირითადი დაავადების გართულება პნევმონია იყო,- ამის შესახებ „დაავადებათა კონტროლისა და საზოგადოებრივი ჯანმრთელობის ეროვნული ცენტრის“ ანგარიშშია აღნიშნული, რომელიც ქვეყანაში 11 ივლისისთვის არსებულ მდგომარეობას ასახავს.

ანგარიშის მიხედვით, სტაციონარებიდან გაწერილი პაციენტების 13.1%-ს სუნთქვის უკმარისობა, 4.4%-ს გულსისხლძარღვთა მწავავე უკმარისობა, ხოლო 3.6%-ს მოზრდილთა რესპირაციული დისტრეს-სინდრომი გამოუვლინდა.

რაც შეეხება ინფიცირებულთა თანმხლებ დაავადებებს, 209 (26.1%) პაციენტს კორონავირუსული დაავადების გარდა ჰქონდა სხვადასხვა, უპირატესად ქრონიკული, დაავადება. პაციენტთა შორის ყველაზე ხშირი თანმხლები დაავადებებია ჰიპერტენზია (15.5%), გულ-სისხლძარღვთა სხვა ავადმყოფობები (7.4%) და დიაბეტი (6.8%).

დოკუმენტში აღნიშნულია, რომ დაავადების მიმდინარეობის სიმძიმის მიხედვით, შემთხვევათა 58.8% მიმდინარეობდა მსუბუქი, 30.8% კი - საშუალო სიმძიმის ფორმით. ამას გარდა, შემთხვევათა 10.6%-ში დაავადების მიმდინარეობა იყო მძიმე ან კრიტიკული.

„დაავადების მიმდინარეობის სიმძიმე მნიშვნელოვნად განსხვავდებოდა თანმხლები დაავადებების არსებობის მიხედვით. იმ პაციენტებში, ვისაც არ აღენიშნებოდა თანმხლები ავადმყოფობები (73.9%), დაავადება 94.2%-ში მიმდინარეობდა მსუბუქი ან საშუალო სიმძიმის ფორმით. თანმხლები ავადმყოფობების არსებობის შემთხვევაში, 24%-ში დაავადების მიმდინარეობა იყო მძიმე ან კრიტიკული“,-ნათქვამია ანგარიშში.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს