კონგრესში „ამაზონის", „ეფლის", „ფეისბუქისა" და „გუგლის" მთავარი აღმასრულებელი დირექტორები დაიკითხებიან

დაახლოებით ერთი წელია, რაც კონგრესის კანონმდებლები „ამაზონის", „ეფლის", „ფეისბუქისა" და „გუგლის" შესახებ გამოძიებას აწარმოებენ. გამოძიების მიზანი იმის დადგენაა, ბოროტად გამოიყენეს თუ არა კომპანიებმა თავიანთი ძალა და დომინირება ინტერნეტბაზარზე.

CNN-ის ცნობით, კომპანიების მთავარი აღმასრულებელი დირექტორები - ჯეფ ბეზოსი, ტიმ ქუკი, მარკ ცუკერბერგი და სუნდარ პიშაი კონგრესის წინაშე მოსმენაზე წარდგებიან და ჩვენებებს ერთად მისცემენ, თუმცა, პანდემიის გამო შექმნილი ვითარებიდან გამომდინარე, ისინი მოსმენაში მონაწილეობას დისტანციურად, WebEx-ის საკონფერენციო პლატფორმის მეშვეობით მიიღებენ.

სავარაუდოდ, კონგრესმენები კომპანიებს მათი ბიზნესის შესახებ საკმაოდ სპეციფიკურ შეკითხვებს დაუსვამენ, 13-თვიანი გამოძიების შედეგად შეკრებილი დოკუმენტებისა და სხვა მტკიცებულებების საფუძველზე.

სხვა საკითხებთან ერთად, „ამაზონთან" დაკავშირებული კითხვები მის მიერ გამყიდველის მონაცემების გამოყენებას ეხება; "ეფლს" რაც შეეხება, გამოძიება "აფ სთორის" წესებთან დაკავშირებითაა; "ფეისბუქთან" დაკავშირებით საქმე შესყიდვის სტრატეგიასა და ონლაინ რეკლამირებაში დომინირებას უკავშირდება; "გუგლთან" დაკავშირებით კითხვები "გუგლის" ძიების საკუთარი პრაქტიკისა და რეკლამირების შესახებ არსებობს. CNN-ის ინფორმაციით, ამ გამოძიებებმა შესაძლოა, მსოფლიოს უდიდესი და უმდიდრესი კორპორაციები სასამართლო პროცესებამდე, ჯარიმებამდე ან სხვა შედეგებამდე მიიყვანოს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა