ევროკავშირმა პრეპარატ „რემდესივირის“ შეძენის მიზნით კომპანია Gilead-თან შეთანხმება გააფორმა

ევროკავშირმა პრეპარატ „რემდესივირის“ შეძენის მიზნით კომპანია Gilead-თან შეთანხმება გააფორმა, - ამის შესახებ ინფორმაციას „როიტერსი“ ავრცელებს.

სააგენტოს ცნობით, ევროკავშირის კომისია მზადაა, 30 000 პაციენტის სამკურნალოდ საჭირო დოზის შესაძენად 63 მილიონი ევრო გადაიხადოს.

კომისიაში აცხადებენ, რომ მედიკამენტის აღნიშნულ პარტიას მხოლოდ გადაუდებელი შემთხვევების დროს გამოიყენებენ. მათივე ინფორმაციით, უკვე მუშაობენ იმაზე, რომ ოქტომბრიდან მედიკამენტის კიდევ მეტი დოზა შეისყიდონ.

„როიტერსი“ წერს, რომ ევროკავშირს თითოეული პაციენტისთვის საჭირო დოზის შესაძენად 2 100 ევროს გადახდა მოუწევს.

შეგახსენებთ, ანტივირუსული პრეპარატი „რემდესივირი“ ჯერჯერობით ერთადერთი პრეპარატია, რომლის კორონავირუსის სამკურნალოდ გამოყენების ოფიციალური ნებართვა ევროკავშირმა გასცა.

ივნისში აშშ-მ კომპანია Gilead-თან შეთანხმება გააფორმა, რომლის თანახმადაც „რემდესივირის“ შემდგომი 3 თვის მარაგი - მკურნალობის 500 000 კურსისთვის საჭირო დოზა სრულად შეიძინა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი