ბელარუსმა სამართალდამცავებმა უცხოური კერძო სამხედრო კომპანია „ვაგნერის“ 32 წევრი დააკავეს, - ამის შესახებ ინფორმაციას ადგილობრივი მედია ავრცელებს.

სამართალდამცველი ორგანოების განცხადებით, მათ მიიღეს ინფორმაცია ქვეყნის ტერიტორიაზე 200-ზე მეტი მებრძოლის წინასაარჩევნო კამპანიის პერიოდში დესტაბილიზაციის შექმნის მიზნით შესვლის შესახებ.

გავრცელებული ინფორმაციით, თითოეული მათგანი აღჭურვილი იყო ხელბარგითა და სამ-სამი მძიმე ჩემოდნით. გამოძების ინფორმაციით, ჯგუფი 25 ივლისს ერთ-ერთ სასტუმროში განთავსდა, ორი დღის შემდეგ კი, ლოკაცია შეიცვალა.

შეგახსენებთ, ბელარუსში საპრეზიდენტო არჩევნების ჩატარება 9 აგვისტოსთვისაა დაგეგმილი.