იაპონიაში, ერთ-ერთ რესტორანში აფეთქების შედეგად ერთი ადამიანი დაიღუპა და 18 დაშავდა
იაპონიის ფუკუშიმას პრეფექტურაში მდებარე ერთ-ერთ რესტორანში აფეთქება მოხდა, დაიღუპა 1 და დაშავდა სულ მცირე 18 ადამიანი, - ამის შესახებ ინფორმაციას იაპონური მედია ავრცელებს.
მათივე ინფორმაციით, აფეთქება, სავარაუდოდ, ბუნებრივი აირის გაჟონვამ გამოიწვია. დაშავებულები საავადმყოფოში გადაიყვანეს, მათგან ორის მდგომარეობა მძიმეა.
მედიის ინფორმაციით, ინციდენტის ადგილის მიმდებარე ტერიტორიიდან მოქალაქეების ევაკუაცია განხორციელდა.
