ნენსი პელოსის განცხადებით, კანონმდებლებს, რომელთაც პირბადე არ ეკეთებათ, წარმომადგენელთა პალატიდან გააგდებენ

აშშ-ს კონგრესის წარმომადგენელთა პალატამ ყველა წევრისა და მთლიანი პერსონალისთვის პირბადეების ტარება სავალდებულო გახადა. ამის შესახებ BBC იტყობინება.

როგორც წარმომადგენელთა პალატის სპიკერმა, ნენსი პელოსიმ აღნიშნა, ნებისმიერი, რომელიც ახალ წესს დაარღვევს, პალატიდან დათხოვნილი იქნება. მან ეს გადაწყვეტილება მას შემდეგ მიიღო, რაც ტეხასელ რესპუბლიკელს, ლუი გომერტს, რომელიც კაპიტოლიუმში პირბადის გარეშე ხშირად უნახავთ, კორონავირუსი დაუდასტურდა.

ნენსი პელოსიმ წარმომადგენელთა პალატაში გამოაცხადა, რომ სიტყვით გამოსვლისას წარმომადგენლებს საშუალება ექნებათ, პირბადეები მოიხსნან.

„თავმჯდომარე მოელის, რომ ყველა წევრმა და მთლიანმა პერსონალმა დაიცვას ეს მოთხოვნა, როგორც ჯანმრთელობისა და უსაფრთხოების, ასევე, პალატაში და მიმდებარე ტერიტორიაზე სხვების კეთილდღეობის მიმართ პატივისცემის ნიშანი", - აღნიშნა მან.

მისივე თქმით, ნიღბის გაკეთებაზე უარის თქმას ის შეხედავს, როგორც „წესდების სერიოზულ დარღვევას".

პელოსი აცხადებს, რომ პალატის მცველი ნებისმიერს გააძევებს, ვისაც პირბადე არ ეკეთება. როგორც ცნობილია, კორონავირუსი სულ კონგრესის 10 წევრს - 3 დემოკრატსა და 7 რესპუბლიკელს დაუდასტურდა.

იხილეტ ვიდეო:ნენსი პელოსის განცხადებით, კანონმდებლებს, რომელთაც პირბადე არ ეკეთებათ, წარმომადგენელთა პალატიდან გააგდებენ

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)