ინდოეთში, ბოლო 24 საათში, კორონავირუსის 52 123 ახალი შემთხვევა დადასტურდა, რაც პანდემიის დაწყების დროიდან, რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს ქვეყნის ჯანდაცვის სამინისტრო აქვეყნებს. ამავე მონაცემების თანახმად, ინდოეთში გასული დღე-ღამის განმავლობაში „კოვიდ 19“-ს კიდევ 775 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 34 968-ს მიაღწია.

რაც შეეხება დაინფიცირების მაჩვენებელს, ქვეყანაში დღემდე კორონავირუსის 1 583 792 შემთხვევაა დადასტურებული.