ჯანდაცვის მინისტრის განცხადებით, სამეგრელოში, მესამე-მეოთხე ხარისხის ნგრევად ობიექტებში მცხოვრები მოქალაქეები ახალ ბინებში შესახლდებიან

ჯანდაცვის მინისტრის ეკატერინე ტიკარაძის განცხადებით, სამეგრელოს რეგიონში, მესამე-მეოთხე ხარისხის ნგრევადი ობიექტები დაიცლება და იქ მცხოვრები მოქალაქეები ახალ საცხოვრებელ ბინებში შესახლდებიან.

ამის შესახებ მინისტრმა ეკატერინე ტიკარაძემ ზუგდიდში ყოფნისას განაცხადა, სადაც დევნილ მოსახლეობას ბინები გადაეცათ.

„ყველამ იცის, რომ ჩვენი ხელისუფლებისთვის ყველაზე დიდი პრიორიტეტია დევნილ მოსახლეობაზე ზრუნვა და მათი სოციალური თუ ეკონომიკური პირობების გაუმჯობესება. დღეს ჩვენ მოგვეცა საშუალება მასშტაბური მშენებლობების წარმატებით დასრულებიდან გამომდინარე, უპრეცედენტო გადაწყვეტილება მიგვეღო. ჩვენ გადავწყვიტეთ, რომ სამეგრელოს რეგიონში, ყველაზე მძიმე, მესამე -მეოთხე ხარისხის ნგრევადი ობიექტები წელს დაიცლება და პირველად, ამ ხანგრძლივი დევნილობის შემდეგ, იქ მცხოვრები მოქალაქეების გაუსაძლისი საცხოვრებელი პირობები, ახალი, საუკეთესო პირობებით შეიცვლება. ისინი ახალ ცხოვრებას დაიწყებენ. ეს, რა თქმა უნდა, არ არის ბოლო გადაწყვეტილება, ჩვენ მათ სოციალური და ეკონომიკური პირობების კიდევ გაუმჯობესებაზეც ვიზრუნებთ და არაერთ ნაბიჯს გადავდგამთ ამისთვის. დევნილ მოსახლეობას ვპირდები, ვიმუშავებთ, რათა თითოეულ ოჯახამდე მივაღწიოთ და შევძლოთ გავაუმჯობესოთ ყველა დევნილი ოჯახის პირობები. იქნება ეს სამეგრელოში თუ საქართველოს სხვა ტერიტორიაზე“ , - განაცხადა ტიკარაძემ.

ამასთან, როგორც დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა განცხადა, 2020 წელს 2000-მდე დევნილი ოჯახი ახალი სახის მფლობელი გახდება.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს