ადვოკატთა ასოციაციასა და „ევექსი კლინიკებს“ შორის ურთიერთთანამშრომლობის მემორანდუმი გაფორმდა

საქართველოს ადვოკატთა ასოციაციასა და „ევექსი კლინიკებს“ შორის ურთიერთთანამშრომლობის მემორანდუმი გაფორმდა. ასოციაციის წევრი ადვოკატები „ევექსი კლინიკების“ ქსელში მათზე მორგებული სამედიცინო მომსახურების შეღავათიანი პაკეტით ისარგებლებენ. ამის შესახებ „ინტერპრესნიუსს“ საქართველოს ადვოკატთა ასოციაციიდან აცნობეს.

მათივე ცნობთ, პაკეტი მოიცავს ფასდაკლებებს ლაბორატორიულ, დიაგნოსტიკურ და მაღალტექნოლოგიურ კვლევებზე, მათ შორის, ექოსკოპიაზე და კომპიუტერულ ტომოგრაფიაზე. ფასდაკლება ვრცელდება სტომატოლოგიურ მომსახურებაზეც.

ასოციაციის მოქმედ 5000-მდე ადვოკატს სამედიცინო მომსახურების მიღება შეეძლებათ, საქართველოს 6 რეგიონში, „ევექსი კლინიკების“ 32 კლინიკაში და ნიუ დენტის სტომატოლოგიურ კაბინეტებში.

„ევექსი კლინიკები“ ზრუნავს ქვეყანაში პირველადი ჯანდაცვის განვითარებაზე და ბევრ სხვადასხვა პროექტს ახორციელებს ამ მიმართულებით, ხოლო ადვოკატთა ასოციაციისთვის მნიშვნელოვანია თითოეული წევრის ჯანმრთელობა და კეთილდღეობა.

აღნიშნული მემორანდუმის ფარგლებში, ევექსის და ასოციაციის თანამშრომლობით შემუშავდა სამედიცინო პაკეტი, რომელიც მოიცავს არაერთ მნიშვნელოვან კვლევას ჯანმრთელობის დროული მონიტორინგის პროგრამებისა თუ სხვა სამედიცინო მომსახურებების მისაღებად.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია