ბელარუსის უშიშროების საბჭოს სახელმწიფო მდივნის, ანდრეი რავკოვის განცხადებით, მინსკში რუსული კერძო სამხედრო კომპანია „ვაგნერის“ 33 დაქირავებული მებრძოლი ქვეყანაში, სავარაუდოდ, ტერაქტების განხორციელებას გეგმავდა.

მისივე თქმით, სამართალდამცავები კიდევ 200-მდე მებრძოლს ეძებენ, რომლებიც ბელარუსში იმყოფებიან.

შეგახსენებთ, 29 ივლისს ბელარუსის დედაქალაქ მინსკში რუსული კერძო სამხედრო კომპანია „ვაგნერის“ 33 დაქირავებული მებრძოლი დააკავეს. სამართალდამცველი ორგანოების განცხადებით, მათ მიიღეს ინფორმაცია ქვეყნის ტერიტორიაზე 200-ზე მეტი მებრძოლის წინასაარჩევნო კამპანიის პერიოდში დესტაბილიზაციის შექმნის მიზნით შესვლის შესახებ.