ლონდონში ჩინეთის ელჩი ლიუ სიაომინი აცხადებს, რომ ამერიკის შეერთებული შტატები ჩინეთთან ცივი ომის გამოწვევას ცდილობს, ვინაიდან ის საპრეზიდენტო არჩევნების წინ „განტევების ვაცს“ ეძებს.
„წყნარი ოკეანის მეორე მხარეს ჩინეთთან ცივი ომი სურს, ამას პასუხი უნდა გავცეთ. არანაირი ცივი ომით და საერთოდ ომით არ ვართ დაინტერესებული.
ყველამ კარგად დავინახეთ, რა ხდება შეერთებულ შტატებში, ისინი ცდილობდნენ ჩინეთის „განტევების ვაცად“ გადაქცევას, მათ სურთ, თავიანთ პრობლემებში ჩინეთი დაადანაშაულონ. მათ სურთ, რამე მოიმოქმედონ, მათ შორის, მოექცენ ჩინეთს ისე, როგორც მტერს, მაგრამ გვსურს ამერიკას ვუთხრათ, ჩინეთი თქვენი მტერი არაა, ჩინეთი თქვენი მეგობარი და პარტნიორია,“- განაცხადა ლიუ სიაომინმა.