ნათია თურნავა - „ანაკლიის კონსორციუმის“ და ერთ-ერთი მთავარი ინვესტორის საარბიტრაჟო დავას არანაირი სამართლებრივი პერსპექტივა არ გააჩნია

ეკონომიკისა და მდგრადი განვითარების მინისტრი, ნათია თურნავა აცხადებს, რომ „ანაკლიის განვითარების კონსორციუმისა“ და მისი ერთ-ერთი მთავარი ინვესტორის მხრიდან საქართველოს წინააღმდეგ საარბიტრაჟო დავას არანაირი სამართლებრივი პერსპექტივა არ გააჩნია. მინისტრის შეფასებით, კონსორციუმი საკითხის პოლიტიზირებას და მთავრობისთვის ახალი ინვესტორის მოძიებაში ხელის შეშლას ცდილობს.

მისივე განცხადებით, „ანაკლიის განვითარების კონსორციუმმა“ ვალდებულებების შესრულებას „თავი ვერ მოაბა“.

„კონსორციუთან ხელშეკრულებას ხელი 2015 წელს მოეწერა, ახლა 2020 წელია და ხელშეკრულების თანახმად, ჩვენ უკვე ანაკლიის მოქმედი პორტი უნდა გვქონოდა, მაგრამ სამწუხაროდ, კონსორციუმმა სამთავრობო ხელშეწყობის მიუხედავად, ვერ შეასრულა მოვალეობა და ვერ მოაბა თავი პროექტის განხორციელებას. ამ დავას არანაირი სამართლებრივი პერსპექტივა არ გააჩნია. აქედან გამომდინარე, ეს არის საკითხის პოლიტიზირების მცდელობა და ასევე მცდელობა, რომ მთავრობას ხელი შეგვიშალოს ახალი ინვესტორის მოძიებაში. ჩვენ გეგმაზომიერად ვმუშაობთ სატენდერო პაკეტის განახლებაზე და ახალი ინვესტორის მოძიებაზე“,-აცხადებს ნათია თურნავა.

ცნობისთვის, როგორც დღეს გახდა ცნობილი, „ანაკლიის განვითარების კონსორციუმმა" და ერთ-ერთმა მთავარმა ინვესტორმა ბობ მეიერმა 29 ივლისს შეიტანეს დამოუკიდებელი საარბიტრაჟო სარჩელები საქართველოს წინააღმდეგ ანაკლიის პორტის პროექტში მათ დარღვეულ უფლებებთან დაკავშირებით. ისინი საქართველოსგან დანაკარგების ასანაზღაურებლად 1 მილიარდ აშშ დოლარზე მეტს ითხოვენ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა