ბადრი ჯაფარიძე - ქართველი ხალხი პოლიტიკურ ურჩხულს დაამარცხებს

პოლიტიკურმა გაერთიანებამ "ლელო საქართველოსთვის" აბაშაში 31-ე რაიონული ორგანიზაცია გახსნა.

როგორც „ინტერპრესნიუსს“ პარტიის პრესსამსახურიდან აცნობეს, აბაშაში შეკრებილ მოსახლეობას შეხვდა და სიტყვით გამოვიდა „ლელო საქართველოსთვის" გენერალური მდივანი და თბილისის საბურთალოს რაიონის მაჟორიტარობის კანდიდატი ბადრი ჯაფარიძე.

„30 წლის წინ, როდესაც მოვედი პოლიტიკაში, კომუნისტური წყობის სახით, ძალიან დიდი ურჩხული გვყავდა დასამარცხებელი. მაშინ ჩვენ ურჩხული დავამარცხეთ, გავიმარჯვეთ და მოვიპოვეთ თავისუფლება, თუმცა დღემდე ვერ შევძელით გათავისუფლება დრომოჭმული აზროვნებისაგან, რომელსაც თავს გვახვევენ მატყუარა პოლიტიკოსები. დღეს "ქართული ოცნების" ხელისუფლება ყველაფერს აკეთებს, რომ ჩვენ ვიყოთ დამარცხებული ქვეყანა, ისე, თითქოს არ შეგვიძლია, განვვითარდეთ და წინ წავიდეთ. ამიტომ დღევანდელი მმართველი გუნდი, როგორც პოლიტიკური ურჩხული, ისევ გვყავს დასამარცხებელი.

ღიად გეტყვით, რომ საზოგადოებას მისი პარტიული და პოლიტიკური გემოვნებით არ ვყოფ და არ ვარჩევ, ჩვენ დღეს ყველას ერთი პრობლემა გვაქვს, სწორედ ამიტომ დავდივარ ქალაქიდან ქალაქში, უბნიდან უბანში და სოფლიდან სოფელში. პირადად ვესაუბრები ადამიანებს, ვისმენ მათ დაგროვილ პრობლემებს, ხედვებს და სურვილებს, თუ როგორი უნდა იყოს ჩვენი ქვეყნის მომავალი. საქართველოს მოქალაქეების გამარჯვება იქნება უარის თქმა "ქართული ოცნების" ცრუ დაპირებებზე და ტყუილზე აგებულ პოლიტიკაზე. ოქტომბრის არჩევნების შემდეგ იქნება დიდი ცვლილებები და „ლელო საქართველოსთვის" ქვეყნის დინამიური ცვლილებების ავანგარდში იქნება“ ,- განაცხადა ბადრი ჯაფარიძემ.

როგორც „ლელო საქართველოსთვის" გენერალურმა მდივანმა აღნიშნა, ის არ მოდის პოლიტიკაში „ფუჭი დაპირებებისთვის“, არამედ მოდის იმისთვის, რომ „დაიხარჯოს ამ ქვეყნისთვის".

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა